بنات لو اتخطبتى وخطيبك عزمك... تتصرفى ازاااى؟؟

Moderadora Number of posts : 358 تاريخ الاشتراك : 31/12/2008

سلاموووووو عليكووووووووووووو

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك

من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس..

قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد..

واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك..( قلنا رقَّه) ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط

ولا من البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي ..

العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة..

اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص..

ومن غير ماتقعدي تنفخي فيها.. زي القهوجي اللي بينفخ ف الحجر للزبون..

وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..

بالمعلقه وبدون صوت.. سخنة ولعة برضه بدون صوت..

وتسيبي تلت الطبق ع الأقل.. مش تميليه.. عشان تلهطيها لآخر نقطة

4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي..

الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص

وبعدين تحطيها ف بؤك من سكات.. مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟

تقطعي اللحم من النص.. بالطول وبعدين تفردي اللحم ع الجانبين

ولما تخلصي ناحية.. متقلبيش السمكة.. بلاش فلح..
شيلي السلسلة بالشوكة والسكينة وحطيها ف جنب الطبق وكملي أكل النص التاني..

وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصي له بقرف شديد..

آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟

وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لأ...لأ ... لأ ..

بالشوكة حتة حتة وإنتي زي ماتكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة..

وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-..

وتقولي له مش ممكن.. أنا عمري ما اتفجعت كدة..

أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وهناك تطلعي من شنطة إيديك

لفة الفول والطعمية اللي جايباها معاكي.. وبالهنا والشفااااااااااا

بنات لو اتخطبتى وخطيبك عزمك... تتصرفى ازاااى؟؟ Icon_wink

Moderador Number of posts : 713 تاريخ الاشتراك : 12/12/2008

ههههههههههههههههههههههههههههههه
ههههههههههههههههههههههههههههه
هههههههههههههههههههههههه

يخربيت افكارك .......و الله يا بنتى ما فى احلى من الطبيعه اه انا بحب التيكيت و الله بس لازم تكونى بطبيعتك بجد و الله و يكون عارفك كويس .....تعاملى عادى يعنى و الاتيكيت له وقته و فى اماكن معينه اوووووووى اووووووووى دا اذا روحتيها اصلا هههههههههههههههههه

دا ممكن اروحها مع اخواتى و مروحهاش مع خطيبى اخرى معاه كورنيش ققصر النيل ههههههههههه و تاكلى سميط و دوقه هههههههههه

بس يا افكارك بجد موتينى من الضحك

Moderadora Number of posts : 358 تاريخ الاشتراك : 31/12/2008

ههههههههههههه

مااااشى...بس لو طبيعتك اللى فالتوبيك ده يبقى ... اشوووفه والنصيحة هتبقى اخووية يعنى
وابقى قوليله ع طبعتى ههههههههه ...ونتى فاهمه

وكورنيش النيل ليه ....ماله كورنيش بلكونة ماما وبابا

thanks ya monny

Moderador Number of posts : 713 تاريخ الاشتراك : 12/12/2008

ههههههههههههههههههه يا بنتى ما فيش احلى من الطبيعه بدل ما يتفاجىء و تبئه كارثه و بعدين مالها الطبيعه ههههههههههههههههههههه بس شوهتى صورتنا اوى اوى على فكرة مع اننا مش كده خالص هههههههههههه و على رأيك ما له سور بالكونه ماما و بابا يرد الروح ههههههههههههه

» شباب .. بنات .. ادخلوا انا بقول اهو ههههههههههه