طريقه عمل المكرونه النجرسكو

Moderadora Number of posts : 358 تاريخ الاشتراك : 31/12/2008

المقادير:
• كيس مكرونة أقلام.
• نصف دجاجة مسلوقة ومخلية من العظم ويفضل الصدور.
• 1/2 كوب جبنة موتزاريلا أو شيدر.
• 3 معالق كبيرة زبدة.
• 1/2 كوب كبير دقيق.
• 4 كوبايات لبن.
• ملح وفلفل.
• بيضة.

الطريقة:
1- هنسلق المكرونة وبعد كده نحطها في مصفاة ونغسلها كويس بالمية الباردة علشان ما تلزقش مع بعضها وبعد كده نسيبها في المصفاة علشان تصفي أي مية فيها.
2- بعد كده هنجهز البشاميل عن طريق إننا نسخن الزبدة ونضيف إليها الدقيق مع التقليب لغاية ما لون الدقيق يبقي ذهبي بعد كده نضيف إليه اللبن تدريجيا مع التقليب المستمر لغاية ما يبقى قوامه سميك، بعد كده نضيف إليه الملح والفلفل الأسود ونشيليه من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض.
3- هنجيب قطع الدجاج المخلية ونضيفها إلى المكرونة ونضيف إليهم قليل من الموتزاريلا ونقلبهم مع بعض كويس.
4- هنجيب صينية فرن وندهنها بشوية بشاميل وبعد كده نحط فيها المكرونة والفراخ والموتزاريلا وبعد كده نغطي وش الصينية بطبقة من البشاميل.
5- هندخل الصينية في فرن متوسط الحرارة لمدة ساعة إلا ربع وبعد كده نخرجها ونحط على وشها باقي الجبنة الموتزريللا أو الشيدر وندخلها الفرن تاني لمدة ربع ساعة أو لغاية ما لونها ما يبقى ذهبي نخرجها ونقطعها ونحطها في طبق التقديم.

وبألف هنا وشفا

Moderador Number of posts : 713 تاريخ الاشتراك : 12/12/2008

ههههههههههههه تصدقى جوعت هههههههههههههههههههه

بس جامدة انا بحبها جدا اصلا

شكرا لمجهودك شيف / شيرى ههههههه

Moderadora Number of posts : 358 تاريخ الاشتراك : 31/12/2008

ع ايه يبنتى وبكررررررررره اخلى منى عاااامر تقعد فالبييييييييت ههههههههههههههه

El Gefe Number of posts : 950 تاريخ الاشتراك : 26/11/2008

الله على ستات البيوت والله فكره بلا سياسه بلا بتنجان وهاجى اشغلك عندنا فى البيت هههههههههههههه

ماتزعاليش انا بهراء معاكى بس بجد مرسيى على الحاجات الحلوه ديه وعايزين نحلى المره الجايه هههههههههههه

مرسيى ليكى يا شيرى على مجهودك

Reina Miembra Number of posts : 179 تاريخ الاشتراك : 04/01/2009

مرسيى ياشيماء على الاكلات الحلوه ديه هههههههههههه

بس عاوزين ناكل بقى ههههههههههه وتوصفلنا اكلات تانيه