Bondok
El Gefe
Number of posts : 950
تاريخ الاشتراك : 26/11/2008
 |  موضوع: اصحاب بالصدفه  السبت فبراير 27, 2010 7:19 pm | |
| كتب بواسطه ساندرا مجدى
مبدأ أنا مش مقتنعة بيه اطلاقا .... ماحنا يا اماأصحاب يا اما صدفة ماينفعش نبقى الاتنين , ماينفعش أشوفك صدفةتسألنى بقى عاملة ايه و تقوللى احكيلى , طب انت ماسألتش ليه من غير صدف ؟ طب احكيلك أنا ازاى اذا كنت انت أصلا مش مهتم , و ماينفعش لما تسألنى بالصدفة بردو انك تعتبر نفسك فعلا بتسأل .. يبقى احنا كده مش أصحاب ,احنا كده صدفة , و ماينفعش انى لما آجى اعتبك باعتبار اننا أصحاب تعتبرنى مجنونة و مش طبيعية و تقنعنى بانك بتتعامل طبيعى جدا و ان هى دى معاملة الأصدقاء و تبدأ تطبق معايا مبدأ " براحتك ,, اللى انت فاهمه و شايفه اعمله "... يا سلاااام !!!
الأصحاب مش كده .. الأصحاب مش صدف .. الأصحاب حياة يومية معاشة .. ممكن اه أوقات ابعد عنك بس بيقى غصب عنى , كلنا بتاخدنا شوية الحياة لكن ده مش معناه انى استناك صدفة .. الأصحاب هما اللى لو غابوا عن بعض سنين بيفضلوا بردو أصحاب و حاسين و فاهمين بعض و عارفين أخبار بعش انشالله طشاش و هايبقوا متوقعين الباقى .. الأصحاب هم اللى وقت ماتضايق تتصل بيه عشان بس تقولله انا متضايق و تحكيله حتى لو ماعندكش استعداد انك تسمع منه فى الوقت الحالى .. الأصحاب هم اللى بيقولوا لبعض اللى ممكن مايقدروش يقولوه للأحباب مثلا ,الأصحاب هما اللى بيفهموا بعض أو زى مابنقول كده عارفين دماغ بعض .. الأصحاب ماينفعش يمروا بفترات فتور .. ماينفعش مثلا تكون وجهة نظرهم ان فى الأول كان الكلام كتير لأن كان لسه بيتعرفوا على بعض لكن دلوقتى خلاص عرفوا بعض ف الكلام خلص و ده هو الطبيعى... ماينفعش .. الأصحاب عمر كلامهم مابيخلص أبدا ... لأمش هو ده الطبيعى
كمان الأصحاب ماينعش يبقى طرف منهم متلقى بس .. يعنى ماينفعش أفضل أنا احكيلك ف مواضيع و ف مشاكل و
ف حاجات بحسها و ماخدش منك أى رد فعل غير ربنا يسهل .. ماينفعش لما آجى آخد رأيك ف حاجة تقوللى ماهو
أنا أصلى ماعرفش اللى جواك حتى لو انت قولتلى .. ده مش صاحب لأن الصاحب قبل مابيفهم و يحلل بيحس بيك
بيحس ب اللى جواك من غير حتى ماتحكيهوله مش بيعرف اللى بتحكيهوله بس و هايحس بيك لما هو كمان يحكيلك ,
الموضوع أصله عامل زى المغناطيس , لو حطيته قدام بلاستيك ولا خشب مش هايجذبه حتى لو انت لزقتهم ف بعض
فممكن تشيله من غير أى مجهود و مش هى دى العلاقة بين الأصدقاءء . العلاقة بين الأصدقاء هى العلاقة بين الحديد و المغناطيس بالتبادل , لازم يحصل بنكم اتصال
ماينفعش الأصحاب يتعاملوا مع بعض بمدأ " دى مشكلتك وانت حلها " ماينفعش اقولك احنا طبعا أصحاب و انت لو
مش خاسس كده يبقى انا اعمل ايه .. ماينفعش تقوللى احنا أصحاب و انت أقرب واحد لى و أنا بعزك اوى و عايز
نبقى أصحاب على طول , و أ:ون أنا مش بعمل أى حاجة تدل على اللى بقوله , كلمة أصحاب دى مع انها سهلة تتقال لكن مسئولياتها كتيرة و كبيرة و جميلة وتقيلة , ليها متطلبات و حقوق و واجبات , ليها ملامح , لو مش عايز تشيل
مسئولياتها قول من الأول , قول انكو مش أصحاب . قول انكوا معارف أو زمايل لكن ماتقولش أصحاب . قول " مش بكرهك " لكن ماتقولش بعزك لأنه ماينفعش انك تقول احنا أصحاب أوى بس بيننا فترة فتور شوية . ده
ماينفعش , ما ينفعش تقول آه احنا اصحاب طبعا بس مش عارف ليه انت مش حاسس كده و ازاى , لأن بردو ده ماينفعش , انت مسئول عنى كصديق و صاحب و مسئول عن احساسى و مسئول انك توضحلى كل حاجة من أول
الصح و الغلط لحد ملامح الصداقة هى ايه , ماينفعش تعتمد على ذكاءك و تقول انى أنا اللى مجنونة أو مخى راكب
شمال لأنى مش حاس اننا أصحاب . متهيألى أسهل بكتير أوى انك تقول أنا مش عايز الشيلة دى من انك تحمل نفسك حمل كبير انت مش قدده و تبقى حاجة تقيلة عليك انك تعملها , لأنك انت اللى مسئول انك تعملها و تتسبب فيها لما
بتقول حاجة مش موجودة لأنك مثلا مكسوف تقولها .ليه يا جماعة مانبقاش واضحين ؟؟ ليه مانقولش اللى جوانا على
طول ؟؟ يا اما احنا أصحاب يا اما لأ .. الموضوع سهل و مريح و بسيط لأن وقتها ولا أنا هاستنى منك حاجة و لا انت هاتستنى منى حاجة و لا أنا هابقى تقيلة على قلبك .
الحاجة الغريبة أوى ف بعض الولاد و البنات انه بعد ماتقوللك أو يقوللك احنا أصحاب و انت صاحبى و بعزك و قريب منى و تلاقيهم بيتعاملوا كويس اوى و شايفين واجباتهم كويس جدا و فعلا ولو لفترة بيقوا أصحاب بجد , تلاقيهم مرة
واحدة نزلت عليهم أهمية مجهولة المصدر , و تلاقيها بقى بتحس مرة واحدة انها شخصية مهمة و رائعة و فظيعة و
ساحرة و لا تقاوم وان مافيش منها اتنين و لها سحر خاص و جذاب فتقوللك لأ أنا بقى لازم أقلل وأحط حدود أحسن
ده كده هايحبنى أو بيحبنى ف أنا لازم أحط كل حاجة فى وضعها الالطبيعى أحسن البنت و لا الولد يتعلق بىا و أنا مش عايزها !!!
طب بأمارة ايه ؟؟ جات منين ا~لأهمية المفاجئة دى ؟؟ تبقى مين حضرتك و لا مين حضرتك ؟؟؟ سعادتك ايه يعنى ؟؟
ليه ؟؟ تطلع ايه عشان تدى لنفسك حق التفكير بعقل غيرك و التقييم و الحكم و النظر واصدار الأمر و القرارات ب ايه اللى يتعمل و ايه اللى مايتعملش ؟؟ حضرتك مين يعنى تطلع ايه ؟؟؟ايه يات جماعة اللى بيحصلنا ده ؟؟ احنا كل يوم
بننحدر فعلا و ده من أسبابه عدم صراحتنا و لا مع نفسنا ولا مع اللى حوالينا , من أسبابه اللف و الدوران , من أسبابه
انك لما بتحب توضح حاجة بتخفيها خالص , بتقعد تلف و تدور حواليها لدرجة انك ممكن فى الآخر تبعد عنها خالص و ماتوصلهاش .. طب ليه ؟؟ ليه مانبقاش واضحين من الأول ؟؟ ليه مانعرفش واجبات و متطلبات الكلمة اللى بنقولها
قبل مانقولها ؟؟ ليه مانتحملش مسئولية كلامنا ؟ و ليه كمان لو حاسينا انه بقى تقيل علينا بيبقى صعب بالنسبالنا اننا نلغيه
و بنتعب نفسنا و اللى حوالينا ؟؟ ليه مانتعدلش كده و نتخلى عن الأهمية الفظيعة اللى بتؤهلنا قدام نفسنا اننا نبقى ناس لقطة و اللى حوالينا هايتجننوا بينا ؟؟
مش فاهمة ... مبدأ فعلا غير مقنع بالمرة .. طبعا كل واحد فينا ليه دور ف حياة اللى قدامه و أحاسيسه و اللى
بيوصلله , لكن ده يلزمنى أكتر بالوضوح و الصراحة و أون موضح و محدد انا ينفع أبقى ايه و ماينفعش أبقى ايه و بعد كده أتعامل بواجبات الحاجة اللى انا اخترتها مدام انا اخترتها يبقى اتعامل فيها كما يحق للى قدامى و كما يفرض
على هذا الاختيار , يا اما أختار انى أبعد بقى خالص وأنعزل و بردو يبقى بوضوح و تصريح مش بمحاولات مراوغة منى بتاخد وقت و مجهود و بتعمل ضغط على و على اللى قدامى . لكن ماقولش احنا أصحاب و انا مابعملش و مش
عايز أعمل أى حاجة من معانى الكلمة دى , ده كده بقى اسمه لف و دوران .
حاجة عجيبة جدا فعلا بالنسبالى و مش مغفهومة و نفسى حد يقوللى ليه ؟؟ بجد عايزة أ‘رف أو أسمع اجابة لو محتوا
فعلا عايزة حد يقوللى ليه ده بيحصل ,, لو سمحتوا
 منقول
عدل سابقا من قبل Bondok في الثلاثاء مارس 02, 2010 10:53 am عدل 1 مرات | |
|
PrincPeSsa
Moderadora
Number of posts : 358
تاريخ الاشتراك : 31/12/2008
| |
MeMa
Moderador
Number of posts : 713
تاريخ الاشتراك : 12/12/2008
| | موضوع: رد: اصحاب بالصدفه الإثنين مارس 01, 2010 12:30 am | |
| والله يا بندق عندك حق فى كلامك كله لان الصاحب ميبقاش جددددددددع اوى الا لما يتحط فى موقف و تشوفه هيعمل ايه و الا ميكونش ضاحب
و اما عن الفرررراغ اللى ممكن يحصل فى النص ما بين اصحاااب بيموتوا فى بعض و فجأة تنقطع العلاقه دى فممكن تكون لاسباب غير واضحه او اسباب مينفعش حد يعلرفها خالص حتى لو ماما او بترجع انه مثلا حاسس ان الامور مش تمام معاه و عاوز يرفه مع اصحابه و ميحملمهش فوق طاقتهم خصوصا لو يعرف انهم مشغولين او فى مشاكل كده يعنى
لكن اكيد الدنيا لسه بخييييير و كلنا الحمد لله اصحاب و اخوات و اكيد كل واحد ليه صاحبه المفضل و بيعتبره زى اخوه او اخته و بيفضلوا مع بعض على طول حتى بعد الجواز و المشغوليات و الذى منه
جامد التوبيك دا | |
|
...اقولهم بلاها احسسسسسسسن
