فى اوروبا والدول المتقدمه

Moderador Number of posts : 109 تاريخ الاشتراك : 19/04/2009

السلام عليكم جميعا
فى اوروبا والدول المتقدمه بيحتفلوا بالسنه الجديده ومعظمهم بيكون له خطه للسنه الجديده بمعنى ان كل واحد يشوف عمل ايه طول السنه وعايز يعمل ايه فى السنه الجديده واحنا اصلا رمضان الى يفكر فيه كويس حيلاقى ان هو بيحسنا على كده اصلا يعنى اى حد بيعمل حاجه غلط يبطلها طول رمضان ممكن ده يساعده انه يبطلها دايما المهم انا كنت عايزه اقترح فكره و عن نفسى حعملها وهى عباره عن جدول نكتب فيه كل المحظورات الى عايزيين نبطلها فى رمضان عشان نصوم بجد مش بس صيام عن الاكل يعنى مثلا اى حد عنده عاده سيئه زى السجاير ومشتقاتها ....معظم الشباب بيبطل مشتقاتها فى رمضان لكن فى العيد بيكون الاحتفال على الاخر بدل ما يصلوا العيد .....يلا ما علينا خلينا ندع الخلق للخالق

المهم البنات مثلا نقول مش حنحط مكياج مش حنلبس بنطلونات او لبس ملفت او او والبنات تحاول تختفى قبل الفطار فى البيوت بلاش ننزل واعتقد ده احسن
يعنى كل واحد اكيد عارف ايه الحاجات الى لو بطلها حيكون صيامه قريب اكتر للربنا عايزه والى مش عارف هو بيعمل ايه يعد يفكر يجيب ورقه وقلم ويكتب

والحاجه التانيه نعمل جدول للدعوات فى رمضان نلتزم بها فى كل صلاه وكل وقت وبرضه ممكن نكتب ايه الدعاوى الى بجد عايزنها ومتكنش بتغضب ربنا يعنى فكروا شويه فى نوع الدعوه عشان فى ناس بتدعى بحاجات غريبه

يعنى من الاخر كل واحد يجيب ورقه وقلم ويكتب محظورات رمضان ويحاول يلتزم بال حيكتبه ويكتب الدعاوى الى حيلح على ربنا انه ييسره لها وخلى الورقه دى فى مكان تشوفوه كتير عشان مننساش ولو نسينا نفتكر من الورقه يعنى المرايا للبنات او باب التلاجه يعنى كل واحد عارف المكان الى ممكن يحط الورقه فيه ولو مش عايزيين فضايح ممكن تكتبوا ورقه فيها كلمه محظورات رمضان لمجرد انها كلمه تفكركوا بالى انه كنتوا ناويين تعمله

بس بجد تعالوا نجرب والله ممكن رمضان ده يبئه بدايه جديده لحاجات كتير حلوه وممكن يبئه نهايه حاجات منيله بنيله يلا نعتبر رمضان السنه الجديده بتعتنا الى حنتغير فيها واعتقد ان رمضان بالنسبه للمسلمين شهر مقدس والروحانيات الى فيه بجد ممكن تساعدنا على اننا نغير السلبيات الى فينا وبلاش نكتفى اننا ندعى وبس لان الله لا يغير ما بقوم حتى يغيروا ما بانفسهم تعالوا ندعى وافعالنا كمان نتحقق الى بندعى بيه يعنى نقول يارب خلينا منعملش الحاجه الفلانيه واحنا بنبطل فعلا نعملها ونجاهد نفسنا اننا نبطل ساعتها ربنا حيستجيب لدعائنا

بالله عليكوا ادعولى فى رمضان وربنا يجعل رمضان علينا كلنا بدايه كل حاجه حلوه

Moderador Number of posts : 713 تاريخ الاشتراك : 12/12/2008

و الله انا حاسه انك اختى يا صابرين و بدعي لكل المسلمين و بدعيلك و الله لانك انسانه بجد محترمه و متدينه و غير كده يكفى انك بتعملى حاجه بسيطه بس خير للكل زى " اللهم بلغت اللهم فاشهد" بجد ربنا يباركلك فى حياتك و يصلح حال الامه الاسلاميه يا ارحم الراحمين

و على فكرة كنت عاوزة اضيف حاجه .. طبعا بعد كلامك مافيش كلام بس فى حاجه بسيطه
ممكن كمان نحاول فى رمضان نلتزم بصلاة التراويح لان يعتبر نص اليوم بيكون فى صلاة التراويح .. لان انا اعرف ناس كتير مجرد ما يفطروا جررررررررى على الشارع اللى يلعب فى سيبر بلاىستيشن و اللى يقف على النواصى و المصيبه انهم بيدخنوا و كده
فممكن بدل ما يعملوا كده يحاولوا يروحوا صلاة التراويح لانها ممكن هى اللى تمنعه و تخليه مرة فى مرة ينسى اى حاجه و يهتم بالصلاة

بجد رمضان دا حاجه جميله جدااااااااااااااااا و ربنا بجد رحيم بينا .. تخيل انك صايم طول اليوم و بتقرأ قرأن و بتحاول لو فى مشكله مابين اخواتك فى البيت و زعيق تحاول تصلح و تيجى على معاد الفطار تفطر و تنزل تصلى التراويح كده اليوم خلص بحاجه كويسه

تحاول بعد كده بعد رمضان بدل التراويح تعملقيام الليل و تدعى فيها

بجد احنا ممكن نصللللللح اووووووووووووى من نفسنا بس لازم يكون عندك النيه و المبدأ نفسه مش كلام و خلاص

انا بضم كلامك طبعا يا صابرين و كلامى للكل و ربنا يهدى الجميع يا رب و يجعلنا من اهل الجنه

Moderador Number of posts : 109 تاريخ الاشتراك : 19/04/2009

htفَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً *****اللهم انى اتوسل بك اليك فكما كنت دليلى عليك فكن اللهم شفيعى اليك فان حساناتى منك وسيئاتى منى فجود اللهم بما هو منك على ماهو منى ولا تحوجنى الا اليك وصلى اللهم وسلم على سيدنا محمدكل سنة والامه الاسلامية بخير ا

» دورى ابطال اوروبا
» قرعه تصفيات امم اوروبا 2012
» مفاجات قرعه دورى ابطال اوروبا
» قرعه دور 16 لدورى ابطال اوروبا والمواجهات القاتله
» حصريا اهداف مباراة نهائى دورى ابطال اوروبا بارشيلونه & مانشستر يونيايتد 2009